किम्हेमा सलनालको अवसरमा छ्याजलो सांगीतिक धमाकाबाट झण्डै २ करोड ६७ लाख कोरियन वोन वचत

बोम्जन गुरुङ
८ भदौ, २०८३

कोरियाको दक्षिणी भेग किम्हे सहरमा गत कोरियन नयाँ वर्ष सलनालको अवसरमा आयोजित “छ्याजलो सांगीतिक धमाका २०२६” को आय व्यय सार्वजनिक भएको भएको छ । कार्यक्रमबाट २ करोड ६७ लाख ४७ हजार ७५ कोरियन वोन वचत भएको उक्त कार्यक्रम आयोजक शाखाका अध्यक्ष प्रवेश गुरुङले जानकारी गराएका छन् ।

कार्यक्रममा विभिन्न शिर्षकमा ५ करोड ८१ लाख ४ हजार ७ सय २५ कोरियन वोन आम्दानी भएकोमा ३ करोड १४ लाख ५७ हजार ६ सय ५० कोरियन वोन खर्च भएकाे सांस्कृतिक विभाग प्रमुख हेमन्त गुरुङले बताए । कार्यक्रमकाे उद्धेश्य अनुरुप चरणबद्ध रुपमा नेपालमा रहेकाअनाथ, असाहय बालबालिका सहयोग गरिने कार्यक्रम संयोजक गितासिंह गुरुङले थपे ।

यद्धपी केहि सहयोगीहरुले अझै पनि बोलकबुल सहयाेग रकम बाँकी रहेको र छिटो भन्दा छिटो रकम जम्मा गरी सहयाेग गर्नुहुन आयोजकले हार्दिक अपिल गरेको छ । तमु धीं केन्द्र सउल र तमु धीं थेगु शाखाको सह आयोजना रहेको उत्कृष्ट सांगीतिक प्याकेज “छ्याजलो सांगीतिक धमाका २०२६” मार्फत् मनोरञ्जनसँगै समाजसेवाको पाटोमा जोडिनुहुने कोरिया स्थित सम्पूर्ण संघसंस्था एवं नेपाली दाजुभाई तथा दिदीबहिनीहरुमा आर्थिक, नैतिक र भौतिक रुपमा सहयोग गर्नुहुने तमाम महानुभावहरुमा आयोजक संस्थाले हार्दिक धन्यवाद व्यक्त गरेको छ ।