३६ टीममा च्याम्पियन बन्दै वन्जु मुन्माक एफसी ४० लाख कोरियन वोन सहित पुरस्कृत

महिला तर्फ खुकुरी एफसी प्रथम

बोम्जन गुरुङ
२२ असार, २०८३

कोरिया स्थित छनान् खेलमैदानमा तमु धीं दक्षिण कोरियाद्धारा आयोजित "वरिष्ठ संगीतकार स्व.अम्बर गुरुङ स्मृति कप २०२६" को उपाधी वन्जु मुन्माक फूटबल क्लबले आफ्नो पोल्टामा पारेको छ । जुलाई ५ तारिक आईतबार सम्पन्न उक्त प्रतियोगिताको फाईनलमा मोक्पो एफसीलाई पाखा लगाउँदै वन्जु मुन्माक एफसी विजेता बनेको हो ।

सो प्रतियोगिताको फाईनलमा १ को विरुद्ध २ गोलले विजयी बनेको वन्जु मुन्माक फूटबल क्लबले नगद ४० लाख कोरियन वोन पुरस्कार प्राप्त गर्यो भने उपविजेता मोक्पो फूटबल क्लबले २० लाख कोरियन वोन सहित पुरस्कृत भए । फाईनलमा राज श्रेष्ठ र मन्दिप मगरको गोलले अग्रता लिँदै वन्जु मुन्माक फूटबल क्लबले एतिहासिक जित निकालेको हो । महिला तर्फ जम्मा ४ टिमले सहभागिता जनाएकोमा खुकुरी एफसी प्रथम र सउल एफसीले द्वित्तीय हुँदै क्रमशः पाँच लाख र तीन लाख कोरियन वोन सहित अन्य पुरस्कार प्राप्तको गरे ।

३६ टिमको सहभागिता रहेको सो प्रतियोगिता सफल बनाउन सहभागी टिम/खेलाडी साथै आर्थिक, भौतिक र नैतिक सहयोग गर्ने सम्पूर्ण महानुभावहरुमा आयोजक तमु धीं दक्षिण कोरियाले हार्दिक धन्यवाद व्यक्त गरेको छ ।