सिस्टरहुड कोरियाले मौलिकतामा जोड दिदै सेप्टेम्बर ०६ मा हरितालिका तीज मनाउने

बोम्जन गुरुङ
९ भदौ, २०८३

कोरिया स्थित किम्हे शहरमा रहेको नेपाली नारीहरुको संस्था सिस्टरहुड कोरियाले सेप्टेम्बर ०६ तारिक "हरितालिका तीज विशेष कार्यक्रम २०२६" आयोजना गर्ने भएको छ । किम्हे सिजाङ- न्यू लिटिल इन्डिया रेष्टुरेन्टको हलमा तीजको अवसरमा दर खाने कार्यक्रम र विविध साँस्कृतिक कार्यक्रम सहित बिहान ११ देखि साँझ ६ बजेसम्म उक्त कार्यक्रम हुने भएको हो ।

प्रवासमा नेपाली कला र सँस्कृतिको संरक्षण र सम्बर्द्धन गर्ने मात्र नभएर माइतीबाट टाढा रहेका विशेषत: नेपाली चेली तथा दिदीबहिनीहरुको न्यास्रोपन मेटाउन, कोरियाको किम्हे, बुसान, मासान, छाङ्वन लगायत आसपास छरिएर बस्नुहुने दाजुभाई तथा दिदीबहिनीहरुको ब्यापक सहभागिता रहने अपेक्षा राख्दै नेपालीहरुबीच आपसी सहयोग, सद्भाव र भाईचारा अभिवृद्धि गर्ने उद्धेश्यले सो कार्यक्रम आयोजना गरिएको संस्थाकी अध्यक्ष विष्णु पाण्डेयले जानकारी दिईन् ।

"Together We Can" भन्ने मूल नारालाई अनुशरण गर्दै आईरहेको सन् २०१८ मा कोरियामा स्थापित Sisterhood Korea ले वर्षेनी नियमित कार्यक्रम अन्तर्गत हरितालिका तीज मनाउँदै आईरहेको सन्दर्भ उल्लेख गर्दै विभिन्न परोपकारी र सामाजिक कार्यमा संस्था अग्रसर भइरहेको सचिव स्मृति अधिकारीले बताईन् ।

सिस्टरहुड कोरियाले आयोजना गरेको हरितालिका तीज विशेष कार्यक्रम २०२६ लाई सभ्य र भब्य रुपमा सफल बनाउन कोरियामा रहनुहुने सम्पूर्ण नेपाली दाजुभाई तथा दिदीबहिनीहरुमा आयोजकले गरिमामय उपस्थितिको लागि हार्दिक अनुरोध गरेको छ ।

तपसिल :

मिति : २०२६ सेप्टेम्बर ०६, आईतबार

समय : दिनको बिहान ११:०० देखि साँझ ०६:०० बजेसम्म

स्थान : किम्हे सिजाङ- न्यू लिटिल इन्डिया रेष्टुरेन्टको हल